Euskarari zabalik

Euskarari zabalik gaude.
Udalak, merkatariak eta herritarrak bat eginik zerbitzu osoago bat eskaintzeko, alde guztientzako onurak dakarrena.

GEHIAGO JAKIN

Zer da Euskarari Zabalik?

Udalek merkatariei eskaintzen dien doako programa da. Saltokian euskarak presentzia handiago izan dezan laguntza ematen dugu aholkulari baten bidez. Saltokiak dituen beharren arabera, honakoak egiten ditugu: itzulpenak, kartelak, mota guztietako elementu bisualak, euskara ikastaroak, dirulaguntzak…

HARREMANETAN JARRI

Udalerri hauetan eskaintzen da programa:

Antsoain
Aranguren Ibarra
Atarrabia
Berriobeiti
Berriozar
Burlata
Esteribar
Gares
Uharte
Zizur Nagusia

FAQ

Ostalaria/dendaria naiz

Zer egin behar dut programan parte hartzeko?

Harremanetarako formularioa betez zure herriko euskara teknikaria harremanetan jarriko da zurekin. Zalantza guztiak argitu eta programa nola garatuko den zehaztuko dizu, eta aholkulari bat zure saltokira joango da bisitan.

Lan gehigarria suposatuko dit?

Ez, programa laguntza gisara pentsatuta dago, eta zuentzako lan gehigarririk ez izateko. Aholkularia zure saltokira joango da, eta denbora pixkat baino ez dizugu eskatuko, berarekin hitz egiteko.

Zenbat balio du programak?

Doakoa da, zure herriko Euskara Zerbitzuak ordaintzen du.

Ez dakigu euskaraz, parte har dezakegu?

Bai. hau ez da euskaldunentzako programa bat, euskarak presentzia handiagoa izateko baizik. Euskaraz ez badakizu, zure saltokiko elementuak elebiz jartzen has gaitezke, eta gutxinaka pausoak eman.

Nola sustatu dezaket euskara nire saltokian?

Modu asko daude. Aholkulariak zurekin batera aztertuko du zure komertziaren egoera, eta eman beharreko pausoak zehaztu. Pentsatu bezero euskaldunak zer nahiko lukeen.

Zertan lagunduko dit programan parte hartzeak?

Zure zerbitzua hobetzen laguntzen dizu programak. Gure gizarte elebidun honetan, bezero euskaldunek asko baloratzen dute euskararen aldeko pausoak ematea, eta horrek bezero gehiago eta egonkorragoak izateko aukera emango dizu. Gainera, zure komertziorako behar dituzun euskarri fisikoak doan emango dizkizugu.

Kontsumitzailea naiz

Denda edo ostatu hauetan guztietan euskaraz egin dezaket?

Ez. Komertzio hauek guztiek pausoak eman nahi dituzte euskarak leku handiagoa izan dezan, eta zerbitzua euskaraz emateko ahalik eta gehien. Zoritxarrez, dendari guztiak ez dira euskaldunak, eta ezin dute euskarazko arreta ziurtatu. Hala ere, jarrera proaktiboa izanen dute euskararen alde.

Zer esan nahi du “Euskarari zabalik” programan parte hartzeak?

Ematen duten zerbitzuan euskarak presentzia gehiago izan dezan lanean ari dira. Elementu bizualak elebiz izanen dituzte, eta gutxinaka euskarak protagonismo gehiago izanen du beren komertzioetan.

Nola jakin dezaket dendariekin euskaraz egin dezakedan?

langileek txapa bat edo mahai gaineko euskarri bat izan dezakete, euskaraz egiten dutela adieraziz.